دسمبر کا آخری ہفتہ جڑواں بہنوں اداکارہ ایمن اور منال خان کے لیے انتہائی درد ناک رہا۔ دونوں اپنے والد سے ہمیشہ کے لیے بچھڑ گئیں۔ ایمن اور منال کے والد کی طبعیت کئی دنوں سے خراب چل رہی تھی تاہم 31 دسمبر بروز جمعرات کو یہ خبر سامنے آئی کہ ایمن اور منال کے والد اس دنیا سے رخصت ہو چکے ہیں۔

شوبز انڈسٹری کے تمام لوگ دونوں بہنوں کے غم میں برابر کے شریک ہیں جبکہ مداحوں نے بھی شدید دکھ کا اظہار کیا۔

گزشتہ روز ایمن خان نے اپنے انسٹاگرام اکاؤنٹ پر اسٹوری شئیر کی جس نے ہر پڑھنے والے کو آبدیدہ کر دیا۔

ایمن نے اپنے والد کی تصویر شئیر کرتے ہوئے لکھا کہ ''ایک مقام ایسا آتا ہے جہاں انسان بے بس ہو جاتا ہے''۔

انہوں نے لکھا کہ ''نا اپنے پیارے کے ساتھ جا سکتا ہے نا اسے روک سکتا ہے''۔

ان کا مزید کہنا تھا کہ ''بس یادیں، بے بسی اور غم چھوڑ جاتا ہے''۔

ہماری ویب دعا کرتی ہے کہ اللہ پاک مرحوم کی بخشش فرمائے اور لواحقین کو صبرِ جمیل عطا کرے، آمین۔