یہ نشان میری زندگی کا ایک حالیہ داغ ہے۔۔۔ کینسر جیسی خطرناک بیماری کے ساتھ لڑنے سے متعلق اداکار سنجے دت کا مداحوں کو پیغام

خطرناک بیماری کینسر سے لڑتے بالی ووڈ کے نامور اداکار سنجے دت نے اپنے مداحوں کے لیے ایک پیغام جاری کیا ہے۔

معروف بھارتی ہیئر اسٹائلسٹ عالم حکیم نے سماجی رابطے کی ویب سائٹ انسٹاگرام پر ایک ویڈیو پوسٹ کی ہے جس میں اُن کے ساتھ نامور بالی ووڈ اداکار سنجے دت کو دیکھا گیا ہے جبکہ ویڈیو دیکھ کر اندازہ لگایا جاسکتا ہے کہ اداکار کی اپنے کام پر واپسی ہوگئی ہے اور یہ ہی وجہ ہے کہ وہ اپنا ہیئر اسٹائل تبدیل کروا رہے ہیں۔

ویڈیو میں دنجے دت اپنے مرض کو شکست دینے کے لیے پرعزم دکھائی دے رہے ہیں۔

ویڈیو میں انہوں نے کہا کہ ''ہائےمیں ہوں سنجے دت اور سیلون میں واپس آکر ہیئر اسٹائل بنوا کر مجھے کافی اچھا محسوس ہو رہا ہے''۔

سنجے دت نے اپنی بھنوں (Eyebrow) پر موجود کیمو تھراپی کے نشان کو دکھاتے ہوئے کہا کہ ''اگر آپ کو یہ نشان نظر آرہا ہے تو یہ میری زندگی کا ایک حالیہ داغ ہے لیکن میں بہت پُرامید ہوں کہ میں جلد ہی اس کینسر سے آزاد ہوجاؤں گا''۔

ہئیر اسٹائلسٹ کے بارے میں ان کا کہنا تھا کہ ''عالم کے ساتھ میرا ایک خاندانی تعلق ہے، اس کے والد میرے والد کے بال کاٹتے تھے اور اب علیم صاحب نے میرے بال کاٹنے شروع کردیے''۔

View this post on Instagram

@duttsanjay Today at Salon Hakim’s Aalim after getting a haircut done with all the necessary precautions Instructed by the government and the experts. #SanjayDutt #AalimHakim #Rockstar #SalonHakimsAalim #TeamHA #SafetyFirst #Fighter #Precautions #Hygiene #SocialDistancing #NewNorms #TeamHakimsAalim #SalonLife #Viral #Trending #MovieLife #actorslife #14thoctober2020 @duttsanjay @aalimhakim

A post shared by Aalim Hakim (@aalimhakim) on Oct 14, 2020 at 4:29am PDT

خیال رہے دو ماہ قبل سنجے دت کو تیسرے یا چوتھے درجے کے کینسر میں مبتلا ہونے کی اطلاعات سامنے آئیں تھیں۔