گزشتہ ماہ بالی ووڈ اندسٹری کو اس وقت شدید جھٹکا لگا جب نامور اور باصلاحیت اداکار سشانت سنگھ راجپوت کی خودکشی کی خبر آئی۔
ایک ماہ گزر جانے کے بعد بھی اداکار کے مداح ان کے جانے کا غم منا رہے ہیں تاہم اداکار کی آخری فلم ’دل بیچارہ‘ کا ٹریلر دیکھنے کے بعد سماجی رابطے کی ویب سائٹ ٹوئٹر پر ایک ننھی مداح نے اپنے سوشانت بھیا کے لیے ویڈیو پیغام جاری کیا۔
ننھی بچی اپنے جاری کردہ پیغام میں کہہ رہی ہے کہ 'سوشانت بھیا میرے فیورٹ ہیں، ایک دن اُن کی مووی ہمارے گھر آئی تھی دھونی اور مجھے فرق ہی نہیں پتا چلا کہ وہ دھونی ہیں یا سوشانت بھیا ہیں'۔
بچی کا مزید کہنا تھا کہ سوشانت کی ایک فلم کا گانا 'خیریت' میرا فیورٹ ہے۔ ننھی مداح نے وہ گانا ویڈیو میں گا کر بھی سنایا۔