گزشتہ سال دسمبر میں چین کے شہر ووہان سے پھیلنے والی عالمی وبا کورونا وائرس نے دنیا بھر میں تباہی مچائی ہوئی ہے اور زیادہ تر ممالک میں اس وقت لاک ڈاؤن کی صورتحال ہے تاہم ہالی ووڈ کی ٹی وی سیریز دی ڈیڈ زون میں اس وائرس کی پیشگوئی پہلے ہی کی جاچکی تھی اور یہ سیریز موجودہ حالات کی مکمل عکاس ہے۔
ہالی ووڈ کی یہ ٹی وی سیریز 17 سال پرانی ہے مگر حیران کن طور پر اس سیریز کا مرکزی کردار موجودہ حالات کی طرح چین سے پیدا ہونے والے وائرس کی موجودگی دیکھ لیتا ہے۔
موجودہ صورتحال کی طرح اس ٹی وی سیریز میں یہ دکھایا گیا ہے کہ وائرس سے بچاؤ کیلئے سب کو ماسک کی اشد ضرورت پڑ جاتی ہے جبکہ وائرس کے سبب لاک ڈاؤن بھی نا گزیر ضرورت بن جاتا ہے۔
اس کے علاوہ وائرس کا علاج بھی حیران کن طور پر یہی کلوروکوئن دوا سے ہی ممکن دکھایا گیا تھا۔
اس سے قبل بھی کورونا وائرس کے حوالے سے متعدد پیشگوئیاں سامنے آچکی ہیں۔ حال ہی میں امریکی مشہور کارٹون دی سمسن میں بھی کورونا وبا سے متعلق پیش گوئی کے خبریں سامنے آئیں تھیں-