متحدہ قومی موومنٹ پاکستان کے سینئر رہنما فیصل سبزواری اور مشہور ٹی وی میزبان مدیحہ نقوی کی شادی کو تھوڑا عرصہ بیت چکا ہے تاہم اب فیصل نے اس راز سے پردہ اٹھاتے ہوئے بتایا کہ انہوں نے کس طرح مدیحہ نقوی کے گھر والوں کو شادی کے لئے راضی کیا؟
فیصل سبزواری اور ان کی اہلیہ مدیحہ نقوی ایک پروگرام میں بطور مہمانِ خصوصی شریک ہوئے جہاں اداکارہ و میزبان ریما خان نے ان سے کئی دلچسپ سوالات کئے۔
معروف سیاستدان فیصل سبزواری نے بتایا کہ کچھ ماہ قبل وہ ایک ٹف ٹاک شو کا حصہ بنے، اس شو کے اینکر کسی کو زیادہ بولنے نہیں دیتے تاہم میں نے اُن کو بہت اچھا ہینڈل کیا۔ اس حوالے سے فون پر بات کرتے ہوئے مدیحہ کے والد صاحب نے کہا کہ بیٹا آپ بہت اچھا بولے جس کی وجہ سے وہ زیر ہوگئے۔
مدیحہ کے والد کی اس بات پر فیصل سبزواری نے کہا کہ یہ صلاحیت تو میرے اندر موجود ہے اسی لئے تو آپ کو بھی راضی کرلیا تھا۔ فیصل نے کہا کہ میں نے ان سے یہ بات کہی تو شرما گئے کیونکہ وہ بہت شریف انسان ہیں۔
ایم کیو ایم پاکستان کے رہنما فیصل سبزواری نے بتایا کہ مدیحہ کی فیملی سے شادی کی بات کرنے میں خود ہی گیا تھا اور میں نے جھوٹ نہیں بولا اس لئے انہیں شادی کے لئے راضی کرنے میں کامیاب رہا۔