قومی کرکٹ ٹیم کے بہرتین سابق آل راؤنڈر عبدالرزاق اور بالی ووڈ اداکارہ تمنا بھاٹیہ کے درمیان شادی سے متعلق افواہیں گردش کر رہی ہیں کہ جلد دونوں کی شادی ہو جائے گی تاہم بھارتی اداکارہ نے خود ایک انٹرویو کے دوران اس بات کی وضاحت کردی ہے۔
بھارتی خبر رساں ادارے کے مطابق کرکٹر عبدالرزاق کے ساتھ شادی سے متعلق افواہوں پر اداکارہ تمنا کا کہنا ہے کہ فی الحال میں اپنے کیریئر پر فوکس کررہی ہوں اور ابھی میرا شادی کرنے کا کوئی ارادہ نہیں ہے۔
ان کا کہنا تھا کہ گزشتہ چند دنوں سے عبدالرزاق کے ہمراہ جو تصویر سوشل میڈیا پر وائرل ہورہی ہے وہ 2017 کی ہے اوریہ ایک دبئی کے ایونٹ کے دوران لی گئی تھیں۔ دونوں کی اس ایونٹ میں مہمان خصوصی کے طور پر بلایا گیا تھا۔
اداکارہ نے افواہوں کو تردید کرتے ہوئے کہا کہ ایک دن اداکار، دوسرے دن کرکٹر اور تیسرے دن ڈاکٹر کے ساتھ شادی کی افواہ اُڑا دی جاتی ہے، ان افواہوں کو سن کر ایسا لگتا ہے جیسے میں شوہر خریدنے نکلی ہوئی ہوں۔
واضح رہے کہ پاکستانی کرکٹر عبدالرزاق پہلے سے ہی شادی شدہ ہیں اور ان کے بچے بھی ہیں۔