چین کے شہر ووہان سے پھیلنے والے کورونا وائرس نے عالمی وبا کی شکل اختیار کرلی ہے جس سے دُنیا کا ہر ایک شخص خوف زدہ دکھائی دیتا ہے۔
دوسری جانب کورونا وائرس سے بچاؤ اور آگاہی کے لئے پاکستان شوبز کے معروف فنکاروں نے مختصر فلم کال ٹو ایکشن تیار کرلی۔
کورونا وائرس کی آگاہی سے متعلق اِس مختصر فلم میں پاکستانی اداکاروں نے لوگوں کو کورونا سے حفاظتی اقدامات کے بارے میں آگاہ کیا۔
اس فلم میں پاکستان کے نامور اداکاروں نے اہم کردار ادا کیا ہے جن میں حمزہ علی عباسی، ریما خان، ہمایوں سعید، شہزاد رائے، مایا علی، شہریار منور، عائشہ عُمر، زارا نور عباس، بلال مقصود، علی رحمٰن، شنیرا اکرم، وسیم اکرم، فیصل کپاڈیا، اقرا عزیز حسین، یاسر حسین، میکال ذوالفقار اور مصنف و شاعر انور مقصود شامل ہیں۔
کورونا وائرس سے احتیاطی تدابیر پر بنائی جانے والی اس فلم کا دورانیہ 2 منٹ 45 سیکنڈز ہے اور یہ مختصر فلم اداکارہ زارا نور عباس نے سوشل میڈیا ایپ انسٹاگرام پر شئیر بھی کی۔
زارا نور عباس نے اپنی اِس پوسٹ کے کیپشن کے آخر میں لکھا کہ احتیاط کرو اور جیتے رہو۔