کورونا وائرس: بھارتی اداکارہ نے لاک ڈاؤن کے دوران اپنا سر منڈوا لیا

نوول کورونا وائرس نے پوری دنیا کو اپنی لپیٹ میں لیا ہوا ہے جس کے باعث اس وقت جزوی لاک ڈاؤن نافذ ہے اور لوگ اپنے گھروں تک محدود ہیں۔

کورونا وائرس سے بچاؤ کے لئے لوگ احتیاطی تدابیر پر عمل کر رہے ہیں جس میں سماجی دوری، مسلسل صابن سے ہاتھ دھونا اور بار بار سینیٹائزر کا استعمال شامل ہیں۔

ایسے میں بھارتی اداکارہ جیا بھٹاچاریا بھی ان لوگوں میں شامل ہیں جو کورونا وائرس سے متاثرہ مریضوں کی مدد کر رہی ہیں۔

تاہم انہوں نے لاک ڈاؤن کے دوران لوگوں کی مدد کرنے کے ساتھ ساتھ ایک ایسا فیصلہ لیا جس سے ان کے مداح حیرت زدہ ہوگئے۔

بھارتی اداکارہ نے سوشل میڈیا ویب سائٹ انسٹاگرام پر ایک ویڈیو پیغام میں کہا کہ وہ غریب افراد میں راشن تقسیم کرنے کے لئے باہر جاتی ہیں لیکن ہر بار گھر واپس آکر حفاظتی تدابیر کو اپناتے ہوئے نہانا اور صفائی کا خاص خیال رکھنا پڑتا ہے ۔

View this post on Instagram

#surprise wanted to do this since ages but never had enough motivation This helps me work more freely & better #monday #mondaymotivation #feedthehomeless #feedthehungry #feedstrays #feedstraydogs #feedstrayanimals #coronatime #covid19mumbai #lockdowndiaries #lockdownextended #doyourbit #behelpful #weiredtimes #doyourbest #lifeisbeautiful #lifeisbeautiful as you make @ankitbathla10 SORRY

A post shared by Jaya Bhattacharya (@jaya.bhattacharya) on Apr 20, 2020 at 8:26am PDT

جیا بھٹاچاریا نے ویڈیو میں بتایا کہ انہوں نے ان سب معاملات کے بعد اپنے سر کے بال منڈوانے کا فیصلہ کیا کیونکہ ان کے مطابق بالوں کو صاف کرنے میں بہت وقت ضائع ہو جاتا ہے۔

اداکارہ نے ویڈیو میں یہ بھی بتایا کہ ایسا کرنے پر ان کے بچے ان سے بے حد ناراض ہوں گے تاہم اب انہوں نے یہ فیصلہ کرلیا ہے۔