عالمی وبا کورونا وائرس کے باعث جہاں پورا ملک لاک ڈاؤن کی نذر ہے تو وہیں پاکستان شوبز انڈسٹری سے تعلق رکھنے والی معروف اداکارائیں گھروں میں محدود ہوکر رہ گئی ہیں اور بیوٹی پارلر جانے سے بھی قاصر ہیں۔
کورونا وائرس کے باعث ملک بھر میں گزشتہ دو ہفتے سے لاک ڈاؤن جاری ہے جس کے باعث جہاں تمام شعبہ ہائے زندگی معطل ہوکر رہ گئے ہیں تو وہیں بیوٹی پارلرز بھی بند ہیں۔
بیوٹی پارلر بند ہونے کا سب سے زیادہ نقصان خواتین اور اداکاراؤں کو ہورہا ہے کیونکہ اداکاراؤں کے حسین چہروں کے پیچھے ان کی قدرتی خوبصورتی کے ساتھ بیوٹی پارلر کا کمال بھی شامل ہوتا ہے اور بیوٹی پارلر کی ہی وجہ سے اداکارائیں ٹی وی اسکرین اور تصاویر میں بے حد خوبصورت نظر آتی ہیں۔
تاہم لاک ڈاؤن ہونے کی وجہ سے اداکارائیں گھروں میں محصور ہوکر رہ گئی ہیں اور اس مشکل صورتحال میں بیوٹی پارلر بھی جایا نہیں جا سکتا۔ لہٰذا سوشل میڈیا پر اداکاراؤں کی بغیر میک اپ تصاویر وائرل ہورہی ہیں۔
