اداکارہ رمشاء خان کون ہیں اور انہوں نے اداکاری کی شروعات کہاں سے کی؟ جانیں

پاکستان کی ڈرامہ انڈسٹری باصلاحیت اداکاراؤں سے بھری پڑی ہے، روز بروز اسکرین پر متعارف ہونے والی نئی اداکارہ، اداکاری میں پرانی والی سے زیادہ بہترین ہوتی ہے۔ اِس انڈسٹری میں اپنا نام بنانے کے لئے ضروری ہے کہ آپ ہر طرح کی اداکاری کرنا جانتے ہوں۔

رمشاء خان بھی ان ہی اداکاراؤں میں سے ہیں جن میں بہت سی صلاحیتیں موجود ہیں۔ رمشاء نے انڈسٹری میں آنے کے بعد ہر طرح کے کردار نبھائے خواہ وہ منفی کردار ہو یا مثبت، مداحوں کی جانب سے بے حد پسند کیا گیا۔

اداکارہ رمشاء خان 23 جون 1994 کو کراچی میں پیدا ہوئیں۔ انہوں نے ایم بی اے کی ڈگری حاصل کر رکھی ہے۔

رمشاء کو شروع سے ہی اداکاری کا بہت شوق تھا جبکہ انہوں نے اپنے کیرئیر کا آغاز تھیٹر سے کیا۔ تھیٹر کے بعد ان کو ماڈلنگ کی آفر ہونے لگی جس کے بعد انہوں نے متعدد برینڈز کے لئے ماڈلنگ کی جبکہ کچھ کمرشل میں بھی کام کیا۔ رمشاء کو اداکاری کی آفر ہوئی جس کو انہوں نے قبول کر لیا۔

رمشاء نے 2016 میں ڈرامہ 'کتنی گرہیں باقی ہیں' سیزن 2 سے ڈرامہ انڈسٹری میں قدم رکھا۔

اداکارہ رمشاء خان نے جن ڈراموں میں اپنی اداکاری کے جوہر دکھائے ان میں وہ ایک پل، ماہِ تمام، استانی جی، خود پرست، کیسا ہے نصیباں، شاہ رخ کی سہیلیاں اور عشقیہ شامل ہیں۔