شوبز انڈسٹری میں انٹری دینے والے نئے اداکار نعمان سمیع کون ہیں؟ جانئے کچھ دلچسپ باتیں

پاکستانی شوبز انڈسٹری سے تعلق رکھنے والے بہت سے ستارے ایسے بھی ہیں جِن کے بارے میں آپ نہیں جانتے۔ ایسے فنکار انڈسٹری میں آتے تو کافی خاموشی سے ہیں لیکن کچھ ہی عرصے میں اپنی مسلسل محنت اور جاندار اداکاری سے لوگوں کے دِلوں میں گھر کر لیتے ہیں۔

ایسے ہی ایک اداکار نعمان سمیع ہیں، جن کو انڈسٹری میں آئے زیادہ وقت تو نہیں ہوا لیکن وہ ایک اچھے اداکار ضرور ہیں، یہی وجہ ہے کہ ان کے بہت کم عرصے میں کافی مداح بن چکے ہیں۔

اداکار نعمان سمیع 19 اکتوبر 1990 کو کراچی میں پیدا ہوئے۔ نعمان سمیع ٹی وی کمرشلز بھی کر چکے ہیں۔

آپ کو یہ جان کر حیرانی ہو گی کہ اداکار نعمان سمیع نے اب تک صرف ایک فلم اور دو ڈراموں میں اداکاری کے جوہر دکھائے ہیں۔ اداکار نے شوبز انڈسٹری میں قدم پاکستانی فلم 'تلاش' سے رکھا۔ یہ نعمان کی پہلی فلم تھی۔

جبکہ حالیہ دِنوں میں اداکار کا ڈرامہ 'میرا دل میرا دشمن' اور 'تیرا یہاں کوئی نہیں' آن ائیر ہے۔