قرنطینہ میں بہتر کیسے محسوس کیا جائے؟ اداکارہ ماہرہ خان نے مشورہ دے دیا

آج کل کورونا وائرس کے خطرے کے سبب تمام افراد اپنے گھر میں محصور ہو کر رہ گئے ہیں جبکہ ہماری شوبز انڈسٹری کی معروف اداکارہ ماہرہ خان نے گھر میں ہونے والی بوریت کا علاج بتا دیا۔

اداکارہ ماہرہ خان نے گزشتہ روز سماجی رابطے کی ویب سائٹ انسٹاگرام پر پنجابی اور اردو کے معروف شاعر منیر نیازی کی شاعری کی ایک ویڈیو شئیر کی۔

ماہرہ خان کی جانب سے شئیر کی جانے والی ویڈیو میں شاعر منیر نیازی اپنی معروف شاعری 'ہمیشہ دیر کر دیتا ہوں میں' پڑھ رہے ہیں اور اُن کے چاہنے والے مشاعرے میں ان کو سن رہے ہیں۔

View this post on Instagram

Going to be sharing some stuff saved in my phone.. some old photos, some random ones, some poetry, a little bit of feel good content while we all practice self quarantine ♥️ Munir Niazi’s - Humesha dayr kar deta hun. Never ever gets old ♥️

A post shared by Mahira Khan (@mahirahkhan) on Mar 19, 2020 at 6:53am PDT

اداکارہ نے اپنی اِس پوسٹ کے کیپشن میں لکھا کہ 'آج میں آپ سب کے ساتھ اپنے موبائل فون کا وہ پرانا مواد شئیر کر رہی ہوں جن میں کچھ تصاویر ہیں اور کچھ شاعری ہے جس کو سن کر آپ بہتر محسوس کر سکتے ہیں'۔

ماہرہ نے مزید لکھا کہ 'اِس وقت ہم سب قرنطینہ میں ہیں اور ایسے میں اگر آپ منیر نیازی کی شاعری 'ہمیشہ دیر کر دیتا ہوں میں' سنیں گے تو آپ اِس مشکل مرحلے میں بہت اچھا محسوس کریں گے'۔