جاپان میں فلم کی شوٹنگ کے لیے جانے والی پاکستانی ٹیم ٹوکیو میں پھنس گئی، جس میں اداکار سمیت کیمرہ مین بھی شامل ہیں۔
مشہور اداکار و رائٹر تنویر جمال کا کہنا ہے کہ سری لنکن ایئرلائن کی جانب سے ہنگامی طور پر پروازیں منسوخ کر دی گئیں، جس کے باعث فنکار ٹوکیو میں پھنسے ہوئے ہیں اور پاکستان واپسی کے منتظر ہیں۔
میڈیا سے گفتگو میں تنویر جمال نے کہا کہ اداکاروں اور پوری ٹیم کے لئے متبادل پرواز کے انتظام کی کوشش کر رہے ہیں جبکہ ان کے گروپ میں اداکارہ مائرہ خان، تیمور خان، کئی کیمرہ مین شامل ہیں۔
انہوں نے کہا کہ ہم امارات ایئرلائن سے فنکاروں کو پاکستان بھیجنے کی کوشش کر رہے ہیں، تاہم ہمیں یہاں کئی مشکلات درپیش ہیں۔
تنویر جمال نے کہا کہ یہ اگر مسئلہ حل نہ ہوا تو سفارتخانہ پاکستان سے مدد طلب کریں گے۔