کورونا وائرس نے دنیا بھر کے کئی ممالک میں تباہی مچا رکھی ہے جبکہ اب یہ وائرس پاکستان میں بھی آ چکا ہے۔
تفصیلات کے مطابق پاکستان کی معروف میزبان و اداکارہ ندا یاسر جو ایک عرصے سے گڈ مارننگ پاکستان کی میزبانی کر رہی ہیں، اب تک اپنا مارننگ شو ہوسٹ کر رہی ہیں۔ اب تک سے مراد آج کل کورونا وائرس کے خطرے کے سبب ملک کے چلنے والے حالات ہیں۔
میزبان کے اس شو پر متعدد افراد تنقید کر رہے ہیں جبکہ سوشل میڈیا صارفین کی جانب سے بھی ندا یاسر کے پروگرام کو شدید تنقید کا نشانہ بنایا جا رہا ہے۔
ندا یاسر نے 16 مارچ کے پروگرام کے آغاز میں اس بات کا ذکر بھی کیا۔ ان کا کہنا تھا کہ ہمارا مقصد صرف ناظرین کو انٹرٹینمنٹ دینا ہے۔ ہمارے شو میں آڈینس نہیں ہیں، صرف میں اور میری ٹیم اس شو کے لئے یہاں موجود ہیں۔