پاکستان سپر لیگ منسوخ ہونے کے بعد وطن لوٹنے سے قبل پشاور زلمی کے ہیڈ کوچ ڈیرن سیمی نے کہا ہے کہ کورونا وائرس کے باوجود پاکستان میں پہلی بار پی ایس ایل کا انعقاد کامیاب رہا۔
پاکستانی شائقین کے دلوں میں بسنے والے کھلاڑی ڈیرن سیمی نے سوشل میڈیا ویب سائٹ ٹوئٹر پر اپنا خصوصی پیغام پاکستانیوں کے نام لکھا۔
انہوں نے اپنے ٹوئٹ میں لکھا کہ کورونا وائرس کے باوجود پاکستان میں پی ایس ایل کا ہونا بڑی کامیابی ہے، زلمی فیملی کا شکریہ جس نے ایک بار پھر ساتھ دیا۔
سابق ویسٹ انڈین کپتان کا کہنا تھا کہ پاکستانیوں سے درخواست ہے کہ وہ کورونا وائرس سے محفوظ رہنے کے لیے اپنا بہت خیال رکھیں، آپ سے پھر ملاقات ہوگی۔