عمران خان وہ واحد وزیراعظم ہیں جن کا کاروبار نہیں، اور وہ چاہتے ہیں کسی اور کا بھی نہ رہے۔۔۔ اداکار عدنان صدیقی کی ویڈیو سوشل میڈیا پر وائرل

سوشل میڈیا پر عدنان صدیقی کی وزیراعظم عمران خان سے متعلق دئیے گئے بیان کی ایک ویڈیو سوشل میڈیا پر تیزی سے وائرل ہو رہی ہے۔

ویڈیو میں عدنان صدیقی مذاق ہی مذاق میں وزیراعظم کی معاشی پالیسیوں، ملک میں بڑھتی مہنگائی اور غربت کے باعث ان پر تنقید کرتے ہوئے نظر آرہے ہیں۔

View this post on Instagram

"عمران خان واحد پاکستانی وزیراعظم ہیں جن کا کوئی ذاتی کاروبار نہیں ہے لیکن دوسری بات یہ ہے کہ وہ چاہتے ہیں کہ کسی اور کا بھی کاروبار نہ رہے" #AdnanSiddiqui makes fun of PM #ImranKhan at a recent event in #newjersey Are you agree with Adnan Siddiqui? . . . . #adnansiddiqui #HiraMani #pti #ptigovernment #siasat #pakistanipolitics #pakistanisiasat

A post shared by pakcelebz (@pakcelebz_official) on Mar 17, 2020 at 9:08pm PDT

امریکی ریاست نیو جرسی میں منعقدہ ایک تقریب میں اداکار عدنان صدیقی اور اداکارہ حرا مانی نے شرکت کی۔ وہاں موجود ضمیر چوہدری نامی شخص نے عدنان صدیقی کو مخاطب کرتے ہوئے کہا کہ 'ہم یہاں پی ٹی آئی کی نمائندگی کرتے ہیں اور عمران خان کے ٹائیگر ہیں'۔

اداکار نے جواب دیا 'آپ کوئی کمال نہیں کرتے'۔ تقریب میں موجود اداکارہ حرا مانی نے کہا 'کوئی اچھا کام کریں یار'۔

عدنان صدیقی کا مزید کہنا تھا کہ 'عمران خان واحد پاکستانی وزیراعظم ہیں جنہیں ہم نے منتخب کیا جس کا کوئی ذاتی کاروبار نہیں ہے یہ کمال کی بات ہے تالیاں ہونی چاہیئں اس پر، اور دوسری بات ہے وہ چاہتے ہیں کہ کسی اور کا بھی کاروبار نہ رہے'۔ عدنان صدیقی کی اس بات پر ہال تالیوں اور قہقہوں سے گونج اٹھا۔