شنیرا اکرم کا کورونا وائرس کے حوالے سے اہم پیغام

ہماری ویب  |  Mar 18, 2020

سابق کپتان وسیم اکرم کی اہلیہ شنیرا اکرم نے کہا ہے کہ پاکستان میں کورونا وائرس کے باعث کاروبار کی بندش کے پیش نظر گھروں کے مالکان کو چاہئے کہ وہ اپنے کرایہ داروں کے ساتھ نرم رویہ اختیار کریں۔

معروف سماجی کارکن شنیرا اکرم نے ٹوئٹر پر ٹوئٹ کرتے ہوئے لکھا کہ کورونا وائرس کی وجہ سے پاکستان بھر میں کیفے، ریسٹورینٹ، دکانیں ، جیمز، اسکول اور پارکس بند ہو گئے ہیں۔

شنیرا اکرم نے کہا کہ ’اِس مشکل وقت میں بلڈنگ اور فلیٹس کے مالکان کو چاہئے کہ وہ اپنے کرایہ داروں سے کرایہ لینے میں نرمی کا مظاہرہ کریں تاکہ چھوٹے کاروبار والے افراد کو مشکلات پیش نہ آئیں۔‘

دوسری جانب وسیم اکرم کی اہلیہ شنیرا اکرم نے گزشتہ روز بھی کورونا وائرس سے بچاؤ کے لئے احتیاطی تدابیر کے حوالے سے ایک ٹوئٹ کیا تھا۔

انہوں نے اپنے ٹوئٹر اکاؤنٹ میں ایک گندے ٹیشو پیپر کی تصویر شئیر کی تھی جس سے اُنہوں نے اپنا موبائل فون اور چارجر صاف کیا تھا۔

انہوں نے ٹوئٹر صارفین سے سوال کیا تھا کہ ’کیا آپ کو معلوم ہے کہ ہم کتنی بار اپنے موبائل کو ہاتھ لگاتے ہیں اور پھر وہ ہی ہاتھ اپنے چہرے پر بھی لگاتے ہیں؟

اُنہوں نے لکھا تھا کہ میں نے ابھی اپنے موبائل فون اور چارجر کو صاف کیا ہے۔

ساتھ ہی اُنہوں یہ بھی کہا کہ ’جب تک آپ خود یہ عمل نہ کرلیں تب تک مجھ پر کوئی تبصرہ نہیں کریں۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More