کراچی کنگز کے ہیڈ کوچ کی میچ کے بعد کچرا اٹھانے کی ویڈیو وائرل، سوشل میڈیا پر تہلکہ مچ گیا

گزشتہ روز کراچی کنگز کے کوچ ڈین جونز کی میچ کے اختتام کے بعد اسٹیڈیم کے ڈگ آؤٹ سے کچرا اُٹھانے کی ویڈیو سوشل میڈیا پر وائرل ہو گئی۔

ویڈیو میں دیکھا گیا کہ سابق آسٹریلوی ٹیسٹ کرکٹر نیشنل اسٹیڈیم کراچی میں پشاور زلمی اور کراچی کنگز کے درمیان میچ کے بعد کھلاڑیوں اور اسٹاف کی طرف سے پھینکا جانے والا کچرا اُٹھاتے دکھائی دے رہے ہیں۔

سوشل میڈیا صارفین نے ان لوگوں پر شدید تنقید کرتے ہوئے کہا کہ کچرے کا ڈبا پاس ہونے کے باوجود بھی کچرے کو باہر پھینکنا انتہائی شرم کی بات ہے، ہم اپنے ملک کو خود ہی آلودہ کر رہے ہیں جب کہ غیر ملکی اسے صاف کر رہے ہیں۔