پشاور زلمی کے کپتان ڈیرن سیمی نے اردو میں مداحوں کے نام کیا ٹوئٹ کی؟ تمام پاکستانیوں کے دل جیت لئے

ہماری ویب  |  Feb 11, 2020

پاکستان سپر لیگ کی مقبول ٹیم پشاور زلمی کے کپتان ڈیرن سیمی 20 فروری سے شروع ہونے والے پی ایس ایل سیزن 5 کے لیے بہت جوشیلے دکھائی دے رہے ہیں۔

ڈیرن سیمی نے سوشل میڈیا ویب سائٹ ٹوئٹر پر اردو زبان میں ٹوئٹس کر کے جہاں پی ایس ایل کے لیے اپنا جوش و جذبہ ظاہر کیا تو وہیں اپنے ٹوئٹ سے پاکستان میں موجود شائقین کے دل بھی جیت لئے۔

پشاور زلمی کے کپتان ڈیرن سیمی نے اپنے ایک ٹوئٹ کے ذریعے خاص اطلاع دیتے ہوئے کہا کہ وہ پاکستان جا رہے ہیں ، یہ صرف کرکٹ نہیں بلکہ اس سے آگے کی چیز ہے۔

ان کے اس ٹوئٹ پر سوشل میڈیا صارفین کی بڑی تعداد ڈیرن سیمی کا اردو میں ٹوئٹ کرنے پر گوگل ٹرانسلیشن کی مدد لینے پر مذاق بھی اڑا رہے وہیں کچھ صارفین ان کے اردو میں کئے گئے ٹوئٹ کی تعریف بھی کر رہے ہیں۔

اس سے قبل بھی ڈیرن نے اردو میں اپنے ٹوئٹ میں پی ایس ایل کے آغاز کے حوالے سے ٹوئٹ کیا تھا کہ پاکستانیوں کے لیے پی ایس ایل ایک معنی خیز ایونٹ ہے اور انہیں بھی پشاور زلمی میں شامل ہونے اور پاکستان میں جوش و جذبے کے ساتھ کھیلنے کا بےصبری سے انتظار ہے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More