نجی ٹی وی چینل میں بات کرتے ہوئے جب مفتی عبدالقوی سے ٹک ٹاک اسٹار گرل حریم شاہ کی ان کے ساتھ تصاویر کا ذکر کیا گیا تو انہوں نے کہا کہ مجھے لوگوں نے ان کے بارے میں یہی بتایا ہے کہ حریم شاہ سابق وزیراعلیٰ سندھ قائم علی شاہ کی کزن ہیں۔
واضح رہے کہ ٹک ٹاک اسٹار گرل حریم شاہ نے گزشتہ چند سالوں سے ملکی سیاست میں ہنگامہ کھڑا کیا ہوا ہے۔ حریم شاہ کی جانب سے پاکستان کے سیاست دانوں اور مختلف وفاقی و صوبائی وزراء کے ساتھ تصاویر اور ویڈیوز کا سلسلہ شروع کیا گیا تھا جس کے بعد ہر جگہ ان کے چرچے ہیں۔
حریم شاہ نے ایک بار دعویٰ بھی کیا تھا کہ انہیں ایک مشن ملا ہوا ہے اور اس کو پورا کرنے کے لئے وہ کسی بھی حد تک جائیں گی۔ اسی دوران سٹار گرل حریم شاہ کی مفتی عبدالقوی کے ساتھ تصاویر اور ویڈیوز بھی وائرل ہوئی تھیں جس کے بعد مفتی عبدالقوی بھی تنقید کی زد میں آئے تھے۔ کیونکہ اس سے قبل مفتی عبدالقوی کو ماڈل گرل قندیل بلوچ کے ساتھ بھی دیکھا گیا تھا جس کے بعد قندیل بلوچ کے قتل کے معاملے پر بھی ان کا نام زیر بحث رہا تھا۔