شوبز انڈسٹری کی نئی جوڑی مداحوں کی توجہ کا مرکز بن گئی

گلوکارہ آئمہ بیگ اور اداکار شہباز شگری کے آپس میں بڑھتے مراسم ان کے مداحوں کو یہ سوچنے پر مجبور کر رہے ہیں کہ شاید دونوں میں کوئی بہت گہرا تعلق ہے اور جلد ہی دونوں کی شادی کی خبر دیکھنے میں سامنے آئے گی۔ دونوں اسٹارز کو شوبز حلقوں میں کافی عرصے سے ایک ساتھ دیکھا جا رہا ہے۔

سماجی رابطے کی ویب سائٹ انسٹاگرام پر آئے دِن دونوں ایک دوسرے کے ساتھ بہت ہی دِلچسپ کیپشن تحریر کر کے تصاویر شئیر کرتے نظر آتے ہیں جو مداحوں کی توجہ کا مرکز بنتے ہیں۔

حال ہی میں اداکار شہباز شگری نے اپنے انسٹاگرام اکاؤنٹ پر آئمہ بیگ کے ہمراہ ایک تصویر شئیر کی جس کے کیپشن نے مداحوں کا شک یقین میں بدل دِیا۔

اداکار نے آئمہ بیگ کی مسکراہٹ کو بے انتہا سراہتے ہوئے لکھا کہ 'یہ مسکراہٹ، یہ خوبصورت مسکراہٹ میرے خاتمے کا سبب بنے گی اور اگر ایسا ہوا تو یہ کتنا شاندار اختتام ہوگا اور ایسا ہوگا'۔ گلوکارہ کو اپنے ہر کام کا شریک اور ساتھی قرار دیتے ہوئے شہباز شگری نے یہ بھی لکھا کہ 'اگر میں گننا شروع کروں تو کچھ زیادہ ہی ہوجائے گا'۔

View this post on Instagram

That smile. That damn smile. It'll be the end of me, and if it will, then what a glorious end it shall be. Partner in crime, homie, companion and a whole bunch of other things which, if I began listing down, would turn up the cringe level to a million. @aima_baig_official I'm cheesy, but not that cheesy. #betterhalf❤️ #embracethecringe

A post shared by Shahbaz Shigri (@shahbazshigri) on Jan 28, 2020 at 2:53am PST

یہی تصویر آئمہ بیگ نے بھی اپنے انسٹا گرام پر شیئر کی۔

واضح رہے کہ اداکار شہباز شگری نے ماڈل عائشہ لینیا اختر سے شادی کی تھی جو زیادہ عرصے نا چل سکی اور جون 2018 میں دونوں نے اپنے راستے الگ کر لیے۔