کوئی بھی یہ کردار کیوں نہیں کرنا چاہتا تھا؟ اصل کہانی منظرِ عام پر آگئی

پاکستانی ڈراموں کی تاریخ کا معروف ترین ڈرامہ میرے پاس تم ہو میں مہوش کے کِردار میں جلوہ گر ہونے والی عائزہ خان نے حقیقت بتا دِی۔

اداکارہ نے سماجی رابطے کی ویب سائٹ انسٹاگرام پر ڈرامہ کی ایک تصویر شئیر کی جِس پر انہوں نے طویل کیپشن تحریر کیا۔

انہوں نے لِکھا کہ 'مہوش ایک ایسا کردار تھا جو کوئی نہیں کرنا چاہتا تھا شاید اس لیے کہ اداکارہ کبھی بُری نہیں ہوسکتی، وہ ایک ایسی لڑکی نہیں ہوسکتی جس سے لوگ نفرت کریں۔ اداکارہ ہمیشہ معصوم ہوگی، روئے گی، چیخے گی، تڑپے گی، بے بس ہوگی، معاف کردینے والی ہوگی، کچھ بھی کرے گی لیکن بے وفائی نہیں کرے گی۔ ایک اداکارہ ایسی نہیں ہو سکتی جو دوسری لڑکیوں کو یہ بتائے کہ محبت میں بے وفائی نہیں ہوتی اور جہاں بے وفائی ہو وہاں محبت نہیں ہوتی'۔

اداکارہ کا مزید کہنا تھا کہ 'کسی کی زندگی پرفیکٹ نہیں ہوتی، کبھی لگتا ہے پیسے کم نہیں پڑیں گے، کبھی سوچتے ہیں کہ اگر پیسے ختم ہو گئے تو ہم کیا کریں گے؟ کبھی یہ سوچتے ہیں کہ ماں باپ تو ہمیشہ ساتھ رہیں گے اور جب وہ نظر نہیں آتے تو پھر ہم انہیں یاد کرتے ہیں۔ کبھی لگتا ہے کہ رشتوں میں محبت نہیں رہی پھر دیکھو تو وہ ہی لوگ تکلیف میں ساتھ نہیں چھوڑتے'۔

عائزہ نے اپنی تحریر میں لکھا کہ 'اگر میں ایک ماں بن کر سوچوں تو زندگی کو روز جینے کو دل کرتا ہے، روز اُن کے لیے کچھ کرنے کا دل کرتا ہے۔ بے وفائی شوہر سے ہوتی ہے لیکن دل بچوں کا ٹوٹتا ہے، مہوش بننے کا مقصد صرف یہ نہیں تھا کہ شوہر سے بے وفائی کرنے کے بعد بیوی کس طرح زندگی گزارتی ہے؟ بلکہ اس ڈرامے کی کہانی بے وفائی پر نہیں ایک ماں پر تھی'۔

اداکارہ عائزہ خان نے کیپشن کے اختتام پر کہا کہ 'ڈرامہ میرے پاس تم ہو میرے لیے ایسی عورت کی کہانی بن کر یاد رہے گا کہ جس نے اولاد کا دِل دکھایا وہ کبھی خوش نہیں رہا خواہ وہ شوہر ہو یا بیوی۔ بچوں کے لیے ماں باپ آئینہ ہوتے ہیں جو بچے سیکھیں گے وہی کریں گے۔ پھر چاہے وہ محبت ہو، ظلم ہو یا بے وفائی'۔

View this post on Instagram

Mehwish! Ik aisa character jo shayd koi karna nai chahta tha, shayad isliey kay “ Heroine” kabhi buri nai hoskti wo ik aisi larki nai hoskti jis se log nafrat krei. Heroin humesha bht masoom hogi, rouaigi, cheekhegi, tarapeigi, bebas hogi, maaf krdenay wali hogi, kuch bhe kregi par kabhi bewafaye nai kregi. Kiou ik “ Heroine”ik aisi larki nai hoskti jo dosri larkio ko yeh batadei kay Mohabbat mei bewaye nai hoti, or jahan bewafai ho waha mohabbat nai hoti. Kisi ki zindage perfect nai hoti, kabhi lgta ha pese kum nai paregi kabhi lagta ha khtm hogaye tu kia krengay, kabhi sochtau ha Maa baap tu humesha sath rhaigay jb wo nai nazar atay tu phr yaad krtay ha, kabhi lgta ha mohabbat nai rahi rishto me phr dekho tu wo he takleef me hath nai chorhtay, ik Maa bankr jb socho tu zindage ko roz jeene k dil krta ha roz unkay lisy kuch krne ka dil krta ha. Bewafaye shohor se hote ha par dil bacho k tootta ha shohor tu jis se nikah kro wo banjaiga par wo kabhi bacho ka baap nai banpaiyga, haan mehwish bannay ka maqsad sirf yh nai tha k jb shohor bewafay krtay tu biwi aisay suffer krti ha yh me kahon tu ik Maa ki kahani the. Or shayd “ Meray pass tum ho “ meray liey humesha ik aisi aurat ki kahani bankr yaad rahiaga jisne aulad ka dil dhukaya wo khush nai raha chahay wo shohar ho ya biwi. Maa baap humesha bacho k liey Aina hotay ha wo jo seekhengy wohi krengay chahay mohabbat ho ya zulm ya ho bewafaye!

A post shared by Ayeza Khan (@ayezakhan.ak) on Jan 27, 2020 at 5:39am PST