جامعہ کراچی: ڈپلی کیٹ ایڈمٹ کارڈ

جامعہ کراچی کے ناظم امتحانات پروفیسر ڈاکٹر ارشد اعظمی کے اعلامیہ کے مطابق ایم اے(ریگولر وپرائیوٹ) سالانہ امتحانات2013 ء بروز منگل 19 اگست سے شروع ہورہے ہیں۔ طلبا ء کے لئے جامعہ کراچی کے مختلف شعبہ جات میں08 جبکہ طالبات کے لئے 15 امتحانی مراکزقائم کئے گئے ہیں۔ امتحان میں 14228 طلباء وطالبات شرکت کریں گے۔ جس میں ایم اے سال اول کے3326طلباء اور 5473 طالبات شامل ہیں جبکہ سال دوئم میں2212طلباء اور3217طالبات شامل ہیں۔علاوہ ازیں طلباء وطالبات کے ایڈمٹ کارڈ ان کے دیئے گئے پتوں پر ارسال کردیئے گئے ہیں۔ایسے طلباء وطالبات جنہیں 16 اگست تک ایڈمٹ کارڈ موصول نہ ہوںوہ اپنے ڈپلی کیٹ ایڈمٹ کارڈ کے حصول کے لئے18 اگست کو صبح 9:00 بجے تادوپہر ایک بجے تک سلور جوبلی گیٹ جامعہ کراچی کمرہ نمبر 01 سے رابطہ کرسکتے ہیں۔ڈپلی کیٹ ایڈمٹ کارڈ کے حصول کے لئے طلباء وطالبات کو اپنے ہمراہ اصل رجسٹریشن کارڈ،دوپاسپورٹ سائز تصاویر،امتحانی فارم کی اصل رسید اور قومی شناختی کارڈلازماً ساتھ لانا ہوگا۔