ایم اے ریگولر وپرائیویٹ کے سالانہ امتحانات 19 اگست سے

جامعہ کراچی کے ناظم امتحانات پروفیسر ڈاکٹر ارشد اعظمی کے مطابق ایم اے ریگولر و پرائیویٹ کے سالانہ امتحانات 2013 ء منگل 19 اگست 2014 ء سے شروع ہورہے ہیں۔ طلبا کیلئے جامعہ کراچی کے مختلف شعبوںمیں8 جبکہ طالبات کے لئے 15 امتحانی مراکزقائم کئے گئے ہیں۔ تفصیلات کے مطابق امسال ایم اے پرائیویٹ کے امتحان میں 14228 طلباء وطالبات شرکت کریں گے، جس میں ایم اے سال اول کے3326 طلباء اور 5473 طالبات شامل ہیں جبکہ سال دوم میں 2212 طلباء اور 3217 طالبات شامل ہیں۔ علاوہ ازیں طلباء وطالبات کے ایڈمٹ کارڈ ان کے دیئے گئے پتوں پر ارسال کردیئے گئے ہیں۔ایسے طلباء وطالبات جنہیں 16 اگست تک ایڈمٹ کارڈ موصول نہ ہوںوہ اپنے ڈپلی کیٹ ایڈمٹ کارڈ کے حصول کے لئے17 اور18 اگست کو صبح 9:00 بجے تادوپہر ایک بجے تک سلور جوبلی گیٹ جامعہ کراچی کمرہ نمبر 01 سے رابطہ کرسکتے ہیں۔ڈپلی کیٹ ایڈمٹ کارڈ کے حصول کے لئے طلباء وطالبات کو اپنے ہمراہ اصل رجسٹریشن کارڈ، دو پاسپورٹ سائز تصاویر، امتحانی فارم کی اصل رسید اور قومی شناختی کارڈ لازماً ساتھ لانا ہوگا۔