بی اے پرائیویٹ ضمنی کے امتحانی فارمز 23 جون تک جمع کراسکتے ہیں

جامعہ کراچی کے ناظم امتحانات کے مطابق بی اے پرائیویٹ کے سپلیمنٹری امتحانی فارم جمع کرانے کی تاریخ کا اعلان کردیا گیا ہے۔ طلبہ اپنے امتحانی فارم 23 جون تک 2800 روپے فیس برائے سال اول و دوم اور 5000 روپے فیس برائے (سال اول و دوم) کے ساتھ بینک کائونٹرز واقع سلور جوبلی گیٹ پر جمع کرا سکتے ہیں۔ ایسے طلبہ جو 2012ء کی رجسٹریشن کے حامل ہیں وہ سپلیمنٹری امتحان 2013ء میں شرکت کے اہل نہیں ہونگے جبکہ ایسے طلبہ جو 2007ء یا اس سے قبل کی رجسٹریشن کے حامل ہیں اور سپلیمنٹری امتحان میں شرکت کے خواہشمند ہیں انہیں امتحانی فیس کے علاوہ 3000 روپے اضافی چارجز بھی ادا کرنا ہونگے۔