نویں اور دسویں جماعت کے ایڈمٹ کارڈز کی تقسیم کا شیڈول جاری

ثانوی تعلیمی بورڈ کراچی کے ناظم امتحانات نعمان احسن کے مطابق اسٹرینگ کمیٹی کے فیصلے کے مطابق نویں ۔دسویں سائنس و جنرل گروپ ریگولر و پرائیویٹ امیدواروں کے سالانہ امتحانات کا آغاز2 اپریل سے ہوگا ناظم امتحانات نے بتایا کہ بورڈ سے الحاق شدہ تمام اسکولوں کے نویں۔دسویں کے طلباء و طالبات کے ایڈمٹ کارڈ تیار ہوچکے ہیں اور بورڈ کے کانفرنس ہال سے صبح 9سے شام5 بجے تک اس شیڈول کے مطابق 25مارچ نیوکراچی، نارتھ ناظم آباد،گلبرگ،لیاقت آباد،26مارچ جمشید ٹاون، گلشن اقبال،شاہ فیصل کالونی،27مارچ ملیر، بن قاسم،لانڈھی، کورنگی،28مارچ صدر، لیاری،کیماڑی اور 29مارچ بلدیہ، سائٹ،اورنگی، گڈاپ کو جاری ہوں گے۔الحاق شدہ سکینڈری اسکولوں کے سربراہان سے گذارش ہے کہ و ہ اپنے مجاز نمائندوں کو اتھارٹی لیٹر جو بوائز اور گرلز کے لیے علیحدہ علیحدہ ہوں اور قومی شناختی کارڈ کی فوٹو کاپی کے ہمراہ بھیجیں۔پرائیویٹ امیدواروں کے ایڈمٹ کارڈ ان کے فراہم کردہ رہائشی پتوں پر روانہ کردئیے گئے ہیں۔ اگر 27 مارچ تک ان کو ایڈمٹ کارڈ نہ ملیں تو وہ ڈپلی کیٹ ایڈمٹ کارڈ کے حصول کے لیے فیس جمع کروانے کی رسید کے ہمراہ بورڈ کے متعلقہ سیکشن /کاونٹرسے رجوع کریں۔شعبہ امتحانات کے تمام سیکشن تعطیل کے باوجود 29 مارچ کو کھلیں گے۔امتحانی مٹیریل امتحانی مراکز کو27 مارچ سے جاری کئے جائیں گے۔