تحریک پاکستان کے حوالے سے انٹرکالجیٹ مقابلۂ معلومات

اعلیٰ ثانوی تعلیمی بورڈ کراچی کے چیئرمین پروفیسر انوار احمد زئی نے اعلان کیا ہے کہ تحریک پاکستان کے حوالے سے انٹرکالجیٹ مقابلۂ معلومات بروز جمعرات 27 مارچ 2014ء کو صبح ساڑھے نو بجے بورڈ کے آڈیٹوریم میں منعقد کیا جارہا ہے۔اُنہوں نے بتایا کہ کالجوں کے وہ تمام طلبا و طالبات جو مقابلہ میں شرکت کے خواہشمند ہیں اس مقابلہ میں شرکت کے لئے نامزدگی فارم اپنے کالج کے توسط سے بورڈ کے متعلقہ سیکشن میں 26 مارچ تک جمع کرادیں اور نامزد طلباء و طالبات کو ہدایت کی ہے کہ بورڈ کے آڈیٹوریم میں27مارچ کو صبح نوبجے مقابلے میں شریک ہوں انچارج ٹیچر کی موجودگی اور تعلیمی ادارے کی تصدیق شرکت کے لئے ضروری ہے۔ اول، دوم، سوم آنے والی ٹیموں کو انعامات اور سرٹیفکیٹس دیئے جائیں گے۔ سب سے زیادہ نمبر حاصل کرنے والے کالج کو ٹرافی بھی دی جائے گی۔