اے ایف سی ایشین کپ کوالیفائر میں آج پاکستان اور افغانستان کا میچ بغیر کسی گول کے برابر ہو گیا ہے۔
دونوں ٹیموں کے درمیان میچ اسلام آبا کے سپورٹس کمپلیکس میں کھیلا گیا۔
پہلے ہاف میں افغانستان اور پاکستان کا کھیل بغیر کسی گول کے برابر رہا اور میچ کے آخر تک دونوں ٹیمیں کوئی گول سکور نہ کر سکیں۔
اب پاکستان اور افغانستان کے درمیان اے ایف سی ایشین کپ سعودی عرب 2027 کوالیفائر کا اووے میچ 14 اکتوبر کو کویت میں کھیلا جائے گا۔
اے ایف سی ایشیئن کپ 2027 کوالیفائر راؤنڈ کے گروپ ای میں پاکستان، شام، میانمار اور افغانستان شامل ہیں۔
پاکستان کو اپنے پہلے میچ میں شام کے ہاتھوں دو گول سے شکست اٹھانی پڑی تھی۔
اس کے بعد میانمار نے پاکستان کو صفر کے مقابلے میں ایک گول سے شکست دی تھی۔
اے ایف سی ایشین کپ 2027
ایشین فٹبال کنفیڈریشن (اے ایف سی) کے زیرِ اہتمام ایشیا کا سب سے بڑا فٹبال ٹورنامنٹ ’اے ایف سی ایشین کپ 2027‘ کا 19واں ایڈیشن میں سات جنوری سے پانچ فروری 2027 تک سعودی عرب میں منعقد ہوگا۔
یہ ٹورنامنٹ ہر چار سال بعد منعقد ہوتا ہے اور سنہ2019 میں توسیع کے بعد اب اس میں 24 ممالک کی ٹیمیں حصہ لیتی ہیں۔
اس سے قبل سنہ 2023 کا ایڈیشن ملتوی ہونے کی وجہ سے 2024 میں کھیلا گیا تھا جس کی وجہ میزبان ملک چین کی دستبرداری اور قطر میں گرمی کی شدت تھی۔
اب سنہ2027 کا ایڈیشن معمول کے چار سالہ شیڈول پر واپس آ رہا ہے جبکہ قطر اس کا دو مرتبہ چیمپئن رہ چکا ہے۔