فی تولہ سونے کی قیمت آسمان سے باتیں کرنے لگی۔۔ جانیں اب کتنے کا ملنے لگا؟

ملک بھر میں سونے کی قیمتوں میں ایک بار پھر ریکارڈ اضافہ دیکھنے میں آیا ہے اور ریٹ تاریخ کی نئی بلند ترین سطح پر جا پہنچے ہیں۔

آل پاکستان جیمز اینڈ جیولرز ایسوسی ایشن کے مطابق فی تولہ سونے کی قیمت میں 5100 روپے کا بڑا اضافہ ہوا ہے، جس کے بعد نئی قیمت 3 لاکھ 98 ہزار 800 روپے ہو گئی ہے۔ اسی طرح 10 گرام سونے کا بھاؤ بھی 4 ہزار 372 روپے بڑھ کر 3 لاکھ 41 ہزار 906 روپے تک پہنچ گیا ہے۔

عالمی مارکیٹ میں بھی سونے کی قیمت میں نمایاں اضافہ ہوا ہے، جہاں فی اونس سونا 51 ڈالر مہنگا ہو کر 3 ہزار 770 ڈالر پر ٹریڈ ہو رہا ہے۔