موبائل فونز کی مقامی پیداوار میں جاری کیلنڈر سال کے پہلے 7 ماہ کے دوران نمایاں اضافہ ریکارڈ کیا گیا۔
ٹاپ لائن ریسرچ کی رپورٹ کے مطابق جنوری سے جولائی تک کی مدت میں ملک میں 18.95 ملین یونٹس موبائل فونز کی پیداوار ریکارڈ کی گئی، گزشتہ برس اس مدت میں ملک میں 17.83 ملین یونٹس موبائلز کی پیداوار ریکارڈ کی گئی تھی۔
اسی طرح جاری کیلنڈر سال کے پہلے سات ماہ میں 1.03 ملین یونٹس موبائل فونز کی درآمد ریکارڈ کی گئی جو گزشتہ سال کی اس مدت میں ایک ملین تھی۔ جولائی میں درآمدی موبائل یونٹس کی تعداد 0.17 ملین اور مقامی تیار کردہ موبائل فونز کی تعداد 3.59 ملین یونٹس ریکارڈ کی گئی۔