بارش کے دوران خاتون سے نازیبا حرکات کرنے والا شخص سلاخوں کے پیچھے۔۔ مقدمہ درج

کراچی میں حالیہ بارشوں کے دوران پیش آنے والے افسوسناک واقعے میں خاتون سے نازیبا حرکت کرنے والے شخص کو پولیس نے گرفتار کرلیا۔ واقعہ جمشید کوارٹر تھانے کی حدود میں پیش آیا جہاں سے ملزم کو حراست میں لیا گیا۔

پولیس کے مطابق ملزم حافظ اللّٰہ کے خلاف مقدمہ بھی درج کرلیا گیا ہے۔ یہ وہی شخص ہے جس نے شدید بارش اور سیلاب کے دوران راہ چلتی خاتون کے ساتھ نازیبا حرکت کی تھی۔

واقعے کی ویڈیو سوشل میڈیا پر وائرل ہوئی جس کے بعد عوامی دباؤ بڑھا اور پولیس نے کارروائی کرتے ہوئے ملزم کو گرفتار کرلیا۔