خیبر پختونخوا کے لوگو میں موجود چاند کی الٹی سمت کا انکشاف صوبائی کابینہ اجلاس کے دوران ہوا، جس پر وزیر اعلیٰ علی امین گنڈاپور نے فوری طور پر درستگی کی ہدایت جاری کر دی۔
ذرائع کے مطابق اجلاس میں مشیر انسداد بدعنوانی بریگیڈیئر (ر) مصدق عباسی نے لوگو میں چاند کی سمت کی نشاندہی کرتے ہوئے کہا کہ یہ دراصل ہلال ہے جو ہمیشہ بائیں جانب ہوتا ہے جیسا کہ پاکستان کے جھنڈے میں دکھایا گیا ہے مگر صوبائی لوگو میں یہ الٹا ہے۔
اس پر وزیر اعلیٰ اور چیف سیکرٹری سمیت تمام افسران حیران رہ گئے۔ لوگو کو مختلف فائلز اور مقامات پر چیک کرنے پر بھی الٹے چاند کی موجودگی ثابت ہوئی۔ وزیر اعلیٰ نے فوری تمام سرکاری دستاویزات اور پلیٹ فارمز پر لوگو کی درستگی کے احکامات جاری کر دیے۔