شیرافضل مروت کے ساتھ کھڑی تھی آئندہ بھی ساتھ ہوں، شاندانہ گلزار

پاکستان تحریک انصاف رہنما شاندانہ گلزار نے پشاور ہائی کورٹ کے باہر میڈیا سے بات چیت کرتے ہوئے کہا کہ شیرافضل مروت لوگوں کو تحریک کے لیے نکال سکتے ہیں، شیرافضل مروت کیساتھ پہلے بھی کھڑی تھی آئندہ بھی ان کیساتھ ہوں۔

شیر افضل ایسے وقت میں بانی پی ٹی آئی کے لیے نکلے جب سب انڈر گراؤنڈ تھے، شیرافضل مروت کے ساتھ پہلے بھی کھڑی تھی آئندہ بھی ان کے ساتھ ہوں، بانی پی ٹی آئی نے جیل سے صوبائی حکومت کو واضح پیغام دیا ہے کہ خیبر پختونخوا حکومت کو میں آپریشن کی اجازت نہ دے۔

انہوں نے اشارہ کرتے ہوئے بتایا کہ بانی پی ٹی آئی نے کہا ہے کہ صوبائی حکومت کسی بھی آپریشن کی اجازت نہیں دے گی، اس کے باوجود اگر صوبے میں آپریشن ہوتا ہے تو آپ سمجھ جائیں۔ ان کا کہنا تھا کہ ہر ورکر کو پارٹی ڈسپلن میں آنا ہوگا، جو ایم این اے، ایم پی اے، سینیٹر بنا تو اپنی مرضی سے بنا اگر کوئی کہتا ہے کہ ہم بانی پی ٹی آئی پر احسان کررہے ہیں تو کوئی احسان نہیں کررہا۔