باجوڑ میں دہشتگردوں کے خلاف سیکیورٹی فورسز نے آپریشن کا آغاز کر دیا ہے جس کے پیش نظر محکمہ داخلہ خیبرپختونخوا نے تین دن کیلئے کرفیو نافذ کرنے کا اعلان کیا ہے۔
کرفیو کا اطلاق آج 11 اگست سے 14 اگست تک روزانہ صبح 11 بجے سے رات 11 بجے تک رہے گا۔
ضلعی انتظامیہ کے مطابق کرفیو کے دوران آمدورفت پر پابندی ہوگی، اور یہ پابندی خار منڈا روڈ، خار ناواگی روڈ، خار پشت سلارزئی روڈ اور خار صادق آباد عنایت کلی روڈ پر نافذ العمل ہوگی۔
انتظامیہ نے عوام سے اپیل کی ہے کہ وہ آپریشن کے دوران سیکیورٹی اداروں سے مکمل تعاون کریں۔