کراچی: لیاری میں فائرنگ ، ڈاکٹر قتل

کراچی کےعلاقے لیاری بکرا پیڑی کے قریب فائرنگ کے نتیجے میں ایک شخص ہلاک ہو گیا جس کی شناخت ڈاکٹر لعل کے نام سے کی جا رہی ہے۔

پولیس کے مطابق ڈاکٹر لعل اپنی گاڑی میں لیاری ایکسپریس وے پر چڑھ رہے تھے کہ عقب سے موٹر سائیکل سوار دو ملزمان آئے اور فائرنگ کر کے فرار ہو گئے۔

واقعے میں ڈاکٹر لعل موقع پر ہی دم توڑ گئے۔ پولیس نے موقع سے شواہد اکٹھے کر کے واقعے کی مزید تفتیش شروع کر دی ہے۔