حال ہی میں پاکستان شوبز انڈسٹری کے معروف اداکار اور ہدایت کار عثمان مختار نے والدہ کے لیے مداحوں سے ان کی صحت کے لیے دعاؤں کی اپیل کی ہے- عثمان مختار کی والدہ اس وقت آئی سی یو میں ہیں-
ان کی والدہ درحقیقت 60 اور 70 دہائی کی فلموں کی مشہور اداکارہ ناصرہ بیگم ہیں جنہوں نے 150 سے زائد فلموں میں کام کیا-
تاہم اب ناصرہ بیگم کے بیٹے یعنی عثمان مختار نے انسٹاگرام پر اسٹوری شیئر کرتے ہوئے اداکار نے بتایا کہ ان کی والدہ اسپتال کے آئی سی یو میں زیر علاج ہیں۔
انہوں نے انسٹااسٹوری شیئر کرتے ہوئے لکھا کہ ’میری والدہ کو آپ کی دعاؤں کی ضرورت ہے، وہ آئی سی یو میں ہیں، اگر آپ سب اپنے مصروف دن میں سے ان کے لئے کچھ وقت نکال کر ان کے لئے دعا کر سکیں تو فرق پڑے گا، ناصرہ (والدہ) خوش ہوں گی اور آپ کی مقروض رہیں گی، شکریہ‘۔