کم ہوتی شرح پیدائش اور بڑھتی ہوئی عمر رسیدہ آبادی کا مقابلہ کرنے کے لیے، مشرقی چین کی چانگ شان کاؤنٹی نے ایک منفرد ترغیبی پروگرام متعارف کرایا ہے۔
کاؤنٹی اب ایسے جوڑوں کو 1,000 یوآن ($137) جو کہ پاکستانی کرنسی میں تقریبا 42 ہزار روپے بنتے ہیں کا مالی انعام دے رہی ہے جس میں دلہن کی عمر ان کی شادی کے وقت 25 سال یا اس سے کم ہو۔
گزشتہ ہفتے چانگشن کاؤنٹی کے آفیشل وی چیٹ اکاؤنٹ پر پوسٹ کیے گئے اعلان کا مقصد اسے فروغ دینا ہے جسے حکام پہلی بار جوڑوں کے لیے "عمر کے لحاظ سے مناسب شادی اور بچے پیدا کرنے" کا نام دے رہے ہیں۔
مزید برآں، کاؤنٹی ان جوڑوں کے لیے جو خاندان شروع کرنے کا ارادہ رکھتے ہیں، بچوں کی دیکھ بھال، زرخیزی میں معاونت، اور تعلیم سے متعلق بہت سی سبسڈیز پیش کر رہی ہے۔
چین چھ دہائیوں میں ہونے والی آبادی میں زیادہ کمی اور تیزی سے بڑھتی ہوئی عمر رسیدہ آبادی کے ساتھ نمٹ رہا ہے، جس نے حکام کو بلند شرح پیدائش کی حوصلہ افزائی کے لیے مختلف حکمت عملی بنانے پر مجبور کردیا ہے۔ ان حکمت عملیوں میں مالی مراعات اور بچوں کی دیکھ بھال کی سہولیات میں بہتری شامل ہے۔