آج اسلام آباد ہائیکورٹ توشہ خانہ کیس میں سزا معطلی کی درخواست پر فیصلہ سنانے جا رہی ہے جو کل محفوظ کیا گیا تھا لیکن فیصلے کے سامنے آنے سے قبل ہی پی ٹی آئی چئیرمین کی جانب سے ایک اہم پیش رفت سامنے آگئی ہے۔
عمران خان کی جانب سے کسی بھی کیس میں گرفتاری روکنے کی درخواست دائر کردی گئی ہے۔ چیئرمین پی ٹی آئی کی جانب سے یہ درخواست وکیل کے ذریعے اسلام آباد ہائیکورٹ میں دائر کی گئی ہے۔
درخواست میں کہا گیا ہے کہ ایف آئی اے ، نیب اور پولیس کو گرفتاری سے روکا جائے، چیئرمین پی ٹی آئی کی جانب سے درخواست پر سماعت بھی آج ہی کرنے کی استدعا کی گئی ہے۔