بالی ووڈ کے نامور اداکار گووندا آج صبح ایک غیر متوقع حادثے کا شکار ہوگئے جب غلطی سے ان کے اپنے ریوالور سے ان کی ٹانگ میں گولی لگ گئی۔ فوراً انہیں اسپتال پہنچایا گیا، جہاں ڈاکٹرز ان کا علاج کر رہے ہیں۔
اس موقع پر ان کی بھانجی، کشمیرا شاہ، جو کہ مشہور کامیڈین کرشنا ابھیشیک کی اہلیہ ہیں، اسپتال میں گووندا کی خیریت معلوم کرنے پہنچیں۔ حیران کن بات یہ تھی کہ کشمیرا اپنے شوہر کے بغیر آئیں، جو کہ اپنے ماموں گووندا کے ساتھ خاندانی اختلافات کی وجہ سے دوری بنائے ہوئے ہیں۔
یہ تنازعات کئی برسوں سے جاری ہیں، لیکن کشمیرا نے اس کے باوجود اپنے ماموں کی عیادت کرنے کا فیصلہ کیا، جس نے مداحوں کو حیران کر دیا۔
اس دوران اسپتال کے باہر میڈیا کے فوٹوگرافرز کی بڑی تعداد موجود تھی، لیکن کشمیرا نے کسی سے بات کیے بغیر سیدھا اندر جا کر گووندا سے ملاقات کی۔
یاد رہے، حال ہی میں گووندا کی اہلیہ سونیتا آہوجا نے ایک انٹرویو میں انکشاف کیا تھا کہ ان کے کرشنا اور کشمیرا کے ساتھ تعلقات خوشگوار نہیں ہیں۔ اسی وجہ سے سونیتا نے نیٹ فلیکس کے 'دی کپل شرما شو' میں شرکت نہیں کی، جہاں کرشنا ایک اہم کردار نبھا رہے تھے۔