ریاض: ای سپورٹس گیمنگ فیسٹیول، نیمار کی شرکت

اردو نیوز  |  Jul 24, 2024

سعودی پرو لیگ میں الہلال کلب کے برازیلین سپرسٹار فٹ بالر نیمار نے ریاض میں دنیا کے سب سے بڑے گیمنگ فیسٹیول ای سپورٹس ورلڈ کپ میں شرکت کی۔

عرب نیوز کے مطابق اس موقع پر نیمار نے سعودی ای سپورٹس فیڈریشن کے چیئرمین شہزادہ فیصل بن بندر بن سلطان سے بھی ملاقات کی۔

ریاض بلیوارڈ سٹی میں ہونے والے مقابلوں میں نمبر 10 کا سٹینڈ تماشائیوں سے کھچا کھچ بھرا ہوا تھا۔

ریاض بلیوارڈ میں ہونے والے گیمنگ فیسٹیول میں ڈوٹا۔2 ریاض ماسٹر گیمز اور کاؤنٹر سٹرائیک 2  ای  کے فائنل مقابلوں میں بھی برازیلین سٹار نے شرکت کی۔

گیمنگ فیسٹیول میں کراس گیم کا ایک منفرد  مقابلہ پیش کیا گیا جو 21 معروف گیمز میں 22 عالمی مقابلوں میں حصہ لینے والی سرفہرست کلبوں اور کھلاڑیوں کے مابین کھیلا گیا۔

بلیوارڈ سٹی میں ای سپورٹس مقابلے 25 اگست تک جاری رہیں گے۔ فوٹو عرب نیوزبلیوارڈ ریاض سٹی میں 8000 تماشائیوں کی گنجائش والے سعودی ای سپورٹس فیڈریشن کے ہال میں منعقد ہونے والے عالمی مقابلے 25 اگست تک جاری رہیں گے۔

اس ٹورنامنٹ کے لیے 60 ملین ڈالر کی انعامی رقم رکھی گئی ہے جو ای سپورٹس کی تاریخ میں سب سے بڑا انعام ہے۔

ای سپورٹس ٹورنامنٹ کے لیے 60 ملین ڈالر کی انعامی رقم رکھی گئی ہے۔ فوٹو انسٹاگرامای سپورٹس ورلڈ کپ میں پاکستان سمیت 60 ممالک کے ڈیڑھ ہزار سے زائد کھلاڑی حصہ لے رہے ہیں۔

ای سپورٹس میں جاری مقابلوں کے تیسرے ہفتے میں ہونے والی اہم گیمز میں ڈوٹا۔2 ریاض ماسٹرز، کاؤنٹر سٹرائیک 2 اور پب جی موبائل گیمز کے مقابلے شامل تھے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More