"میرے والدین نے محبت کی شادی کی تھی. میری امی بہت خوبصورت تھیں اور پہلے سے منگنی شدہ تھیں. اس منگنی کو توڑ کر انھوں نے میرے والد سے شادی کی. یہاں تک کہ شادی کے دن بھی ان کے سابق منگیتر نے شادی میں آ کر فائرنگ کی"
یہ حیران کن انکشاف ہے معروف اداکارہ جویریہ سعود کا جنھوں نے ساجد حسن کے شو میں انٹرویو کے دوران اپنے والدین کی لو میرج کی دلچسپ کہانی سنائی.
جویریہ نے بتایا کہ ایک دن ان کی والدہ سنیما میں فلم دیکھنے گئیں جہاں ان کے والد مینیجر کی حیثیت سے کام کر رہے تھے۔ جب انھیں اور ان کی سہیلی کو فلم کا ٹکٹ نہیں ملا تو وہ مینیجر کے پاس گئیں اور وہیں جویریہ کے والد کو بہت پسند آگئیں اور انہوں نے انہیں پرو پوز کر دیا۔
جویریہ کا کہنا تھا کہ میری امی کے گھر والے بہت سخت مزاج تھے لیکن میرے والدین کی سچی محبت کے آگے سب نے ہار مان لی اور پچھلی منگنی توڑ کر بیٹی کی پسند کے مطابق شادی طے کر دی.