بچے کو باہر لے جائیں تو خیال بھی رکھیں کیونکہ ۔۔ کھلونا کار لے کر سڑک پر آنے والے بچے کے ساتھ کیا ہوا، ویڈیو دیکھیں

گھر ہو یا باہر بچوں کا خیال رکھنا بہت ضروری ہوتا ہے کیونکہ ذرا سے دھیان بھٹکتے ہی بچے اکثر ایسا کام کرجاتے ہیں جس سے انہیں نقصان پہنچنے کا خدشہ پیدا ہوجاتا ہے، چین میں بھی ایسا ہی ایک واقعہ ہوا جب کمسن بچہ کھلونا کار لے کر سڑک پر آگیا۔

چین کے صوبہ زی جیانگ میں ایک ٹرک ڈرائیور اور ان کی اہلیہ نے ایک مصروف سڑک پر کھلونا کار لے کر آنے والے بچے کو بچا کر سوشل میڈیا صارفین کی داد حاصل کرلی۔

واقعے کی ویڈیو میں دیکھا جاسکتا ہے کہ ایک بچہ اپنی کھیلنے والی کے میں اچانک سڑک پر آجاتا ہے اور قریب سے گاڑیاں بھی گزر رہی ہیں اسی دوران ایک ٹرک میں سوار میاں اور بیوی بچے کو بچالیتے ہیں۔

بچہ اپنی دادی کے ساتھ تھا، دادی کی نظریں پوتے سے اوجھل ہوئیں تو وہ کار لے کر سڑک پر آگیا۔ رپورٹ میں یہ نہیں بتایا گیا کہ یہ واقعہ کب اور کہاں پیش آیا تاہم سوشل میڈیا صارفین کی جانب سے خاتون کے اقدام کو بہت سراہا گیا۔