چھوٹی عورت نما بچی اور چھوٹے سے بچے کا بھی سین ۔۔۔ ڈرامہ بے بی باجی میں ثمن اور ولید کی آنکھ مچولی اور چھوٹی عمر کے عشق پر صارفین بھڑک پڑے

بچوں کا عشق محبت اب ٹی وی پر دکھایا جا رہا ہے، اگلی نسل کیا یہی سیکھے گی اب؟ فیملی ڈرامے کو بھی بچوں کے لیے عاشقی و معشوقی کی اماجگاہ بنایا جا رہا ہے۔ ڈرامہ بے بی باجی جس کو سب لوگ پسند تو کر رہے ہیں لیکن اس میں ولید اور ثمن کے غیر ضروری رومانٹک سین کو تنقید کا نشانہ بنایا جا رہا ہے۔ صارفین عذرا بھابھی کی چالاکیوں، بے بی باجی کی عاجزی، اور جنید کے قاتلانہ لُکس سب کو بھائے مگر ولید کی محبت پر ہر کوئی نالاں نظر آیا۔

چونکہ ان دونوں ستاروں کو ٹی وی پر بچپن سے ہی دیکھا جا رہا ہے اور ابھی اتنی زیادہ عمر ان کی نہیں ہے، اس لیے صارفین ان سے وہ معصومانہ کردار کی امید کرتے ہیں۔ لوگوں کا کہنا ہے کہ چھوٹی عورت نما بچی لگ رہی ہے عینا اور فضل تو ابھی لگ رہا ہے کوئی 7 ویں کا طالبِ علم ہو ۔۔ ولید کے بھائی واصف کی شادی میں ولید کا ثمن کے پیچھے یوں بھاگنا، اس کو گھورنا کچھ نامناسب سا لگ رہا ہے۔ ابھی تو ان کی اٹکھیلیاں کرنے کی عمر ہے۔