مارکیٹ جاؤ تو ہر دکاندار یا ریڑی والا سبزیاں پھل وغیرہ بیچنے کے لیئے گاہکوں کو آوازیں لگاتے ہیں تا کہ وہ ان کی طرف متوجہ ہوں، ایسے میں ہر کوئی اپنے اپنے انداز میں اپنی چیز کی مارکیٹنگ اور سیلز کر رہا ہوتا۔
اور آج کل تو جو انوکھا ہے وہ سوشل میڈیا پر وائرل ہے، بلکل اسی طرح ایک نوجوان بھی اپنے مختلف اور دلچسپ انداز کی وجہ سے سوشل میڈیا کی زینت بنا ہوا ہے۔
ان دنوں ایک ویڈیو وائرل ہورہی ہے جس میں پاکستانی نوجوان گلوکارہ شکیرا کے گانے "وکا وکا" کے انداز میں آم بیچ رہا ہے اور گاہکوں کی توجہ حاصل کرنے کی کوشش کررہا ہے۔ آئیے آپ کو بھی ویڈیو دکھاتے ہیں؛
اس ویڈیو میں دیکھا جاسکتا ہے کہ نوجوان کس طرح اپنی دھن میں مگن مشہور بین الااقوامی گلوکارہ شکیرا کے سپر ہٹ گانے وکا وکا کی طرز پر گانا گاتے ہوئے اپنے آم بیچ رہا ہے ۔
یہ ویڈیو پاکستان کے شہر اٹک کے نوجوان کی ہے اور اس ویڈیو کو بڑی تعداد میں لوگ دیکھ چکے ہیں، ساتھ ہی سوشل میڈیا پر اس انوکھے انداز کو کافی پسند بھی کیا جارہا ہے۔
یاد رہے یہ گانا شکیرا کا مقبول ترین گانا ہے جو انہوں نے 2010 میں جنوبی افریقا میں ہونے والے فیفا فٹبال ورلڈکپ کیلئے گایا تھا اور اسے دنیا بھر میں پذیرائی ملی تھی، آج بھی لوگ اس گانے کو شوق سے سنتے ہیں۔