21 سال پہلے ماں مرگئی تھی لیکن بھائی نے ۔۔ سُشانت اپنی ماں کی موت پر کیوں ہنس رہے تھے؟ اداکار کی تیسری برسی، بہن نے جذباتی پیغام شیئر کردیا

سُشانت سنگھ راجپوت کو دنیا سے رخصت ہوئے 3 سال گزر گئے۔ آج ان کی تیسری برسی پر بہن شویتا سنگھ کریتی نے اپنے سوشل میڈیا اکاؤنٹ انسٹاگرام پر بھائی کی جانبطرف سے تجویز کردہ کتابوں کی تصویر کے ساتھ جذباتی پیغام شیئر کیا۔ اداکار کی بہن شویتا سنگھ کریتی نے انسٹا پوسٹ شیئر کرتے ہوئے لکھا کہ ’لو یو بھائی، آپ کی ذہانت کو سلام، میں آپ کو ہر لمحے یاد کرتی ہوں اور آپ میرا ایک حصہ ہیں جو اتنے ہی ضروری ہیں جتنی کہ زندہ رہنے کے لئے سائنس‘۔

انہوں نے سُشانت سنگھ راجپوت کے مداحوں سے درخواست کرتے ہوئے مزید لکھا کہ ان کی تجویز کردہ چند کتابیں شیئر کر رہی ہوں، انہیں ان کے ہی انداز میں یاد کرتے ہیں۔

سُشانت سنگھ نے 3 برس قبل، 14 جون 2020ء کو اپنے فلیٹ میں خود کشی کرلی تھی۔ پوسٹ مارٹم رپورٹس کی روشنی میں قتل کے تمام تر دعوؤں کی تردید کرتے ہوئےخودکشی کی تصدیق کی گئی تھی لیکن اس کے باوجود سینٹرل بیورو آف انویسٹی گیشن (سی بی آئی) چارج شیٹ فائل کرنے سے قاصر ہے۔