مشہور صحافی ارشد شریف کی ناگہانی موت کے بعد کینیا پولیس نے انکشاف کیا ہے کہ ارشد شریف کو پولیس نے غلطی سے نشانہ بنایا۔ جنگ نیوز کے مطابق کینیا کے مقامی سینیئر پولیس افسر کا کہنا ہے کہ ارشد شریف کو چیک پوائنٹ پر شناخت میں غلطی کی وجہ سے پولیس نے فائرنگ کا نشانہ بنایا۔
کینیا کے میڈیا کا کہنا ہے کہ نیروبی کے علاقے پنگانی میں بچوں کو اغوا بنانے والی گاڑیوں کی تلاش کی جارہی تھی۔ پولیس کو گاڑیاں روک کر تفتیش کرنے کا حکم دیا گیا تھا۔ اسی دوران پاکستانی صحافی ارشد شریف کی گاری وہاں سے گزری جو بتائی گئی کار سے ملتی جلتی تھی۔ پولیس نے ارشد شریف کی گاڑی کو روک کر شناخت کروانے کا کہا مگر انھوں نے گاڑی نہیں روکی جس کے بعد پولیس نے پیچھا کرتے ہوئے کار پر گولی چلا دی جو ارشد شریف کے سر پر جا کے لگی۔
کینیا کے میڈیا کے مطابق ارشد شریف کی موقع پر ہی ہلاکت ہوگئی جبکہ کار الٹ گئی اور ڈرائیور بھی زخمی ہوگیا۔ پولیس کا کہنا ہے کہ مزید تحقیقات کی جارہی ہیں۔