یہ لوگ الیکشن کرانا ہی نہیں چاہتے ۔۔ کراچی میں ایک بار پھر بلدیاتی انتخابات ملتوی ہونے پر حافظ نعیم کا سخت رد عمل سامنے آگیا، کیا کرنے جا رہے ہیں؟

کراچی میں ایک بار پھر بلدیاتی انتخابات ملتوی جس کے بعد مختلف سیاسی جماعتوں کی جانب سے غم و غصے کا اظہار کیا جا رہا ہے۔ وہیں جماعت اسلامی کے رہنما حافظ نعیم الرحمٰن بھی الیکشن کمیشن کی جانب سے کراچی میں بلدیاتی انتخابات ملتوی کرنے پر اپنے رد عمل کا اظہار کیا ہے۔

امیر جماعت اسلامی کراچی حافظ نعیم الرحمٰن کا کہنا ہے کہ متحدہ قومی موومنٹ (ایم کیو ایم) ہمیشہ پیپلز پارٹی کی بی ٹیم رہی ہے۔ ان کا کہنا تھا کہ کوئی بھی کراچی کی ترقی کے لیے بلدیاتی انتخابات کرانے کو تیار نہیں ہے۔

حافظ نعیم نے الیکشن کمیشن کے بارے میں کہا کہ ہمیشہ اس کے ساتھ مل جاتا ہے جو یہاں بلدیاتی انتخابات نہیں کرانا چاہتے۔ اس فیصلے کو ہر گز قبول نہیں کیا جاسکتا۔

جماعت اسلامی کے رہنما کا صوبائی حکومت سندھ پیپلز پارٹی کو تنقید کا نشانہ مزید کہنا تھا کہ یہ لوگ اس لیے الیکشن نہیں کرانا چاہتے کہ انہیں لوٹ مار کرنی ہے بلکہ سندھ حکومت کسی کو بھی اختیار نہیں دینا چاہتی، سندھ حکومت نے سب چیزیں اپنے کنٹرول میں رکھی ہیں، یہ لوگ ہمارے ٹیکسوں کے پیسے لوٹ کر کھا جاتے ہیں۔