آج کل بالوں کا جھڑنا ایک عام مرض ہے، یہ مرد وعورت دونوں میں یکساں ہے۔ ویسے تو یہ مرض عام ہے لیکن اکثر افراد اس کی وجہ سے احساسِ کمتری کا شکار ہوجاتے ہیں۔ یہی وجہ ہے کہ اب ہئیر ٹراینسپلانٹیشن کا طریقہ علاج لوگوں میں مقبول ہورہا ہے۔ لیکن اس طریقہ علاج میں بھی کچھ احتیاط لازم ہے ورنہ فائدے کے بجائے نقصان ہو سکتا ہے۔ ہئیر ٹرانسپلانٹ کا یہ طریقہ ہمارے شوبز انڈسٹری کے کافی اداکاراپنے اوپر آزما چکے ہیں۔ جسے دیکھ کر اب عام لوگوں میں بھی اس کا رجحان بڑھ رہا ہے۔
بالوں کے جھڑنے کی وجہ :
بالوں کے گرنے کی سب سے بڑی وجہ موروثی ہے۔ اس کے ساتھ کھانے کی ناقص عادات، ضرورت سے زیادہ تناؤ، بعض بیماریاں، ہارمونل عدم توازن اور منشیات کے سائڈ ایفیکتس بھی بالوں کے گرنے کا سبب بنتے ہیں۔
امپلانٹس کی اقسام:
ہیئر ٹرانسپلانٹ دو طریقوں سے کیا جاتا ہے۔ پہلا فولیکیولر یونٹ ٹرانسپلانٹیشن(ایف یو ٹی) اور دوسرا فولیکیولر یونٹ ایکسٹریکشن(ایف یو ای) ہے۔ ایف یو ای میں ڈونر کے حصے سے کچھ بال ہٹائے جاتے ہیں اور ایف یو ٹی میں بالوں کا ایک حصہ (پٹی) ہٹا دیا جاتا ہے۔ اس کے لیے ٹانکے بھی لگتے ہیں۔ دونوں میں بالوں کو سیل کے ساتھ ہٹایا جاتا ہے، تاکہ ٹرانسپلانٹ کے بعد سیلز ایکٹیو ہوجائے۔
ٹرانسپلانٹ کے کچھ خطرات:
ٹرانسپلانٹ کے دوران اور بعد میں درد ہونا عام بات ہے۔ اگر آپ کو ناقابل برداشت درد ہو تو اس کے بارے میں ڈاکٹر کوضرور بتائیں۔
جس جگہ سے بال ہٹائے جاتے ہیں وہ 3-18 ہفتوں تک بے حس رہ سکتا ہے۔ اگر اس سے زیادہ ہوتا ہے تو فوری طور پر ڈاکٹرسے ملیں۔
ٹرانسپلانٹ کے دوران خون بہہ سکتا ہے کچھ لوگ جلدی ٹھیک ہو جاتے ہیں اور کچھ آہستہ ۔
چہرے اور سر کی سوجن عام ہے۔ اگرایسا ہوتا ہے تو فوری طور پر ڈاکٹر سے ملیں اور علاج کروائیں۔
اکثر غلط اور گندے آلات کے استعمال سے انفیکشن کا خطرہ ہوتا ہے۔ اس لیے صفائی کا خیال رکھیں۔
ٹرانسپلانٹ کے بعد سر میں کھجلی کی شکایت ہو سکتی ہے۔ کچھ لوگوں کو شیمپو سے آرام ملتا ہے تو کچھ کے لیے یہ مسئلہ سنگین ہو جاتا ہے۔ لہذا احتیاط کی ضرورت ہے۔
ٹرانسپلانٹ کے بعد ایک ہفتہ تک خاص خیال رکھیں، تاکہ انفیکشن نہ ہو۔ اسے گردوغبار، گندگی اور آلودگی سے سر کو بچانا ہے۔ ٹوپی، ہیلمٹ اور وگ پہننا ضروری ہے۔ بالوں کو دھونے کا طریقہ صرف ڈاکٹر بتاتا ہے۔ کچھ لوشن اور اینٹی بائیوٹکس بھی تجویز کی جاتی ہیں۔ لوشن کو متاثرہ جگہ پر لگانا چاہیے۔ ہیئر ٹرانسپلانٹ صرف کسی ماہرسے ہی کروائیں ورنہ لینے کے دینے پڑ سکتے ہیں۔
بالوں کا گرنا اور گنج پن روکنے کے کچھ گھریلو طریقے:
بالوں کے جھڑنے اور گنج پن سے آجکل صرف خواتین ہی نہیں بلکہ مرد حضرات بھی پریشان ہیں اور مختلف ٹوٹکے سب ہی کرتے رہتے ہیں۔ آج ہم آپ کو بتاتے ہیں کہ کیسے آپ گنج پن اور بال جھڑنے جیسے مسائل میں پیاز کے تیل کو بنا کر لگائیں کہ آپ جلد ہی بالوں کو چمکدار اور خوبصورت بنا سکیں۔
پیاز کو چھیل کر اس کے چھوٹے ٹکڑے کاٹ لیں۔ ایک بوتل میں کوئی بھی تیل ڈالیں اور ان پیاز کے ٹکڑوں کو ڈال کر سات دن کے لئے بند کردیں۔ بوتل کو استعمال سے پہلے اچھی طرح ہلائیں۔ سرمیں جڑوں میں اچھی طرح مالش کرلیں اور دو گھنٹے بعد کسی اچھے شیمپو سے سر دھو لیں۔ ہفتے میں ایک بار اسی تیل میں دہی ڈال کر مکس کریں اور بالوں کی جڑوں میں لگا کر چھوڑ دیں اور بعد میں شیمپو سے سر دھو لیں۔ اس تیل کو کانوں کے پیچھے والے بالوں کی جڑوں میں بھی لگائیں اور پھر بال دھو لیں۔ یہ تیل ان طریقوں سے استعمال کرنے پر آپ کے بالوں کو نہ صرف بڑھائے گا بلکہ گنج پن کی شکایت کو دور کرنے میں مددگار ثابت ہوگا۔