کم عمری میں شادی کرنے والے جوڑے اسد اور نمرہ کو اللہ پاک نے بیٹے جیسی نعمت سے نوازا ہے۔ آج سے چند ماہ پہلے اسد نے اپنے وی لاگ میں مداحوں کو اطلاع دی تھی کہ ان کی اہلیہ امید سے ہیں تاہم اب 9 اگست کو ان کے ہاں ننھے مہمان کی آمد ہوئی ہے جس کی خبر انہوں نے اپنے حالیہ وی لاگ میں لوگوں کو بتائی۔
اتنی بڑی خوشخبری ملنے پر یہ دونوں بہت خوش تھے اس موقعے پر اسد کا کہنا تھا کہ وہ والد بننے کی خوشی الفاظوں میں بیان نہیں کر سکتے۔ واضح رہے کہ 2020 میں 18 سال کی عمر محبت کی شادی کرنے والا یہ جوڑا تب لوگوں کی توجہ کا مرکز بنا جب انہوں نے7 اپنی شادی کی تصاویر سوشل میڈیا پر شیئر کیں۔
جس کے بعد صارفین نے ان کے اس عمل کو خوب سراہا کہ انہوں نے جلد شادی کر کے نکاح جلد کرنے کا لوگوں کو پیغام دیا ہے۔ مزید یہ کہ لوگوں کی بے پناہ محبت ملنے کے بعد انہوں نے یوٹیوب چینل بنایا اور اب وہاں وی لاگنگ کرتے ہیں۔