جب تک سیلاب سے متاثرہ خاندانوں کی بحالی کا کام مکمل نہیں ہوتا چین سے نہیں بیٹھیں گے. وزیرِ اعظم شہباز شریف.
میں نے خیبر پختونخوا حکومت سے سیلاب متاثرین کیلئے مالی امداد بڑھانے کا کہا ہے. وزیرِ اعظم.
وفاقی حکومت جاں بحق ہونے والوں کی 10 لاکھ مالی معاونت کر رہا، خیبر پختونخوا بھی باقی صوبوں کی طرح 8 لاکھ سے بڑھا کر اس مالی امداد کو 10 لاکھ کرے. وزیرِ اعظم.
حکومت کچے اور پکے مکانوں کی تقسیم ختم کرکے منہدم ہونے والے مکانوں کو یکساں طور پر 5 لاکھ امداد دے رہی ہے. وزیرِ اعظم.
سیلاب متاثرین کو فوری طور پر امداد کی فراہمی یقینی بنائی جائے. وزیرِ اعظم کی ہدایت.
حکومتِ خیبر پختونخوا کی سیلاب متاثرین کیلئے امدادی کاروائیاں قابلِ تحسین ہیں. وزیرِ اعظم.
سیاست سے بالا تر ہوکر ہمیں اپنے پاکستانی بھائیوں کی مل کر مدد اور بحالی یقینی بنانی ہے. وزیرِ اعظم.
وزیر اعظم شہباز شریف نے حالیہ مون سون بارشوں اور سیلاب سے نقصان اور متاثرین کیلئے امدادی کاروائیوں کے جائزے کے لئے ضلع ڈیرہ اسماعیل خان میں گاؤں میران اور ٹانک کا دورہ کیا
وزیرِ اعظم کو NDMA, PDMA اور انتظامیہ کی طرف سے امداد اور بحالی کے کام پر تفصیلی بریفنگ دی گئی.
وزیر اعظم نے وفاقی حکومت کے مقامی لوگوں کو انفراسٹرکچر کو بہتر بنانے میں انتہائی تعاون کی بھی یقین دہانی کرائی تاکہ آئندہ بھی ایسی آفات سے روکا جاسکے ... ڈپٹی کمشنر ڈی آئی خان نے وزیر اعظم کو جاری امدادی پروگرام کے بارے میں آگاہ کیا جہاں متاثرین کو ضروری کھانے کی اشیاء فراہم کی گئیں.
وفاقی وزیر اطلاعات و نشریات مریم اورنگزیب ، امیر جمیعتِ علماءِ اسلام (ف) ، مولانا فضل الرحمن اور صدر مسلم لیگ (ن) خیبر پختونخوا، انجینئر امیر مقام بھی وزیرِ اعظم کے ہمراہ تھے.
دورے کے دوران وزیر اعظم نے سیلاب متاثرین سے ملاقات کی اور ان کے مسائل سنے. وزیرِ اعظم نے متاثرین کے مسائل کو ترجیحی بنیادوں پر حل کرنے کی فوری ہدایات جاری کیں.